قال عزيز أخنوش عقب تسليم مفاتيح رئاسة الحكومة إلى فاطمة الزهراء المنصوري: “كان شرف كبير ليا أنني نخصص هاد الجزء من حياتي من أجل خدمة الوطن”.
وأضاف في تدوينة له، “هاد المرحلة ما كانتش غير مسؤولية تحملتها، ولكن كانت مسار تاريخي قطعناه مجموعين، يد في يد، باش نبنيو مغرب أقوى وأفضل”.
وتابع: “ملي بدينا هاد المسار كنا عارفين بلي حجم المسؤولية كبير، وبلي المغاربة كيتسناو منا الكثير و دبا ملي كنستحضر شنو حققنا، كنحس باعتزاز صادق”.
وأوضح أنه “واجهنا تحديات صعيبة وظروف استثنائية، ولكن بالصبر والعزيمة ديال فريق منسجم و مخلص للوطن، وبتوجيهات الملك، قدرنا نخرجو أوراش كبرى لأرض الواقع”.
وأبرز أن “إنجازات لي شملات ملايين المواطنين و مشاريع لي كانت كتنتاظرها بلادنا منذ سنين، اشتغلنا بالمعقول والنية الصادقة، وبدلنا المجهودات الكاملة باش نصنعو التغيير الإيجابي. أكيد كاينين حوايج أخرى كنا كنتمناو ننجزوها، ولكن ضميرنا مرتاح حيت اشتغلنا لمصلحة الوطن بتفاني وإخلاص تام”.
وأشار إلى أنه “اليوم، وأنا كنسلم هاد الأمانة لفاطمة الزهراء المنصوري، كنتمنى ليها ولكامل الفريق الحكومي الجديد التوفيق والنجاح في مهامهم و مسؤولياتهم باش بلادنا تواصل مسارها التنموي”.
للإشارة، جرت اليوم السبت بمقر رئاسة الحكومة بالرباط، مراسم تسليم السلط بين السيدة رئيسة الحكومة فاطمة الزهراء المنصوري، وعزيز أخنوش.